Tetun: INAUGURASAUN ESKOLA TEKNÍKA VOKASIONÁL PRODUSAUN AGRARIA, MAULAU

Maulau, 21/01/2022, Vise Ministru Edukasaun, Juventude no Desporto, Dr. António Guterres hamutuk ho Diretór Jerál PPII, Raimundo José Neto, Xf Gabinete, Diretór Nasionál TECVOC Augusto Pereira, Administradór Munisípiu Ainaro no mós ekipa tékniku sira ne'ebé hala'o Inaugurasaun bá Eskola TECVOC foun iha Suku Maulau, Posto Administrativu Maubisse, Munisípiu Ainaro. Molok realiza prosesu ko'a fita nu'udar símbolu inaugurasaun, sei realiza uluk serimónia Ritual tradisionál nian tuir kultura Maubisse nian nu'udar tradisaun mambae nian baihira iha eventu inaugurasaun sira hanesan uma nian atu bali no hein uma ida ne'e. Iha serimónia ida ne'e Vise Ministru Edukasaun konvida Manorin no Estudante sira hotu ba hamriik iha oin hafoin deklara ba sira hotu katak, ohin loton 21 Janeiru 2022, Suku Maulau marka tan Istória foun ida. Ho profesór sira, Estudante sira no mós Inan Aman sira nia esforsu ohin loron bele realiza tan mehi foun ida iha fatin nee. Iha buat 3 importante ba ohin liton mak hanesan 1. Agradese ba Maromak ba kbiit tomak ninian ohin realiza tsn mehi ida nee. 2. Parabéns ba imi hotu nia esforsu 3. Priokupasaun ETV nian ne'ebé ohin hatoo ona, MEJD sei konsidera ida ne'e no sei hato'o ba iha Superiór atu bele tau matan ba eskola ho konfusaun no fasilidade ba eskola ida ne'e. MEJD sei haree ETV hamutuk 58 iha territóriu tomak atu bele halo diagnóstika no estudu viabilidade ida hodi tulun eskola ho kualidade. Iha fatin hanesan Adjunto Diretor eskola Junior Mendonça de Araujo, hateten katak eskola hahú tinan 4 ona, desde 2018, hahú iha Bairru Bermoli, Aldeia hatulete. Agora foin muda mai edifísiu foun ne'ebé foin halo konstrusaun tanba prontu ona. Total Estudante iha Eskola TECVOC hamutuk na'in 71. Kalse 10º Ano 23 Klase 11º Ano 17 Klase 12º Ano 31. Finalista husi 31 nee pasa hoto 100% iha ezame Nasional periodo 2021 nian. Ba tinan 2022 iha planu Eskola refere sei simu tan 100 estudante bazeia ba espasu ba fatin. Eskola ida nee iha área ne'ebé iha eskola Departamentu Produsaun Agrária. Iha parte seluk autoridade lokál Xefe Suku Sr. Domingos Mendonça sente kontente tebes tanba bele loke eskola iha suku ida nee atu fasilita prosesu aprendizajen ba oan sira hotu. Tanba eskola refere hetan apoiu husi Komunidade Inan-Aman sira rasik, Veteranos sira no mós Comapanhia ne'ebé hala'o konstrusaun. Iha serimónia ida nee marka mós prezensa husi Diretor Geral PPII Raimundo José Neto, Xefe Gabinete Vise Ministru, Horacio Borromeo, Diretór Nacional TECVOC Augusto Pereira, Asesór Nasionál sira, Profesór sira no mós Autoridade lokál no Komunidade iha área nee rasik. Diretór Edukasaun Munisipál Ainaro Oscar de Araujo hateten katak nia parte kontente tebes tanba MEJD bele deside fatin iha Maulau ba ETV no bele oferese oportunidade ba estudante sira. Nia mós mensiona katak nia nu'udar Eis Inspetór Munisipal Ainaro agora nu'udar Diretór Edukasaun Munisipál Ainaro sei hamutuk ho kolega Inspetór sira hotu sei lori Edukasaun iha Munisipiu Ainaro ba oin ho Kualidade. Aléinde ida ne'e Diretór Nasionál TECVOC Augusto Pereira afirma katak Edukasaun mak sai nu'udar Xave importante ba Nasaun Timor-Leste. Tanba ne'e Eskola TECVOC Maulau ita hotu-nia responsabilidade. Ho nune'e maka laiha ema ida maka sei mai marka eskola ka hakerek iha parede-nia lolon no labele estraga esdifísiu eskola nian. Ita hotu nia responsabilidade no Inan-Aman sira hotu husi Suku Maulau atu sai seguransa makaas ba eskola ida nee hodi kuidadu no tau matan. Iha entrevista husi Jornalista DNTRP ba Diretór eskola hatete katak eskola iha ona profesór hamutuk na'in 18 Permanente na'in 1 mak Diretor, Januario Lopes rasik. Kontratadu na'in 9 Voluntáriu na'in 8 Eskola refere iha Sala hamutuk 6, eskritóriu 1 no hariis fatin 2. Biblioteka laiha Laboratóriu laiha Livru iha maibé la kompletu.

Presiza aumenta tán livru no fasilidade sira iha eskola ida ne'e.