Der Kindlein Freſſer.

Secht hie den Kindlein Freſſer an/
Wie iſt er ſo ein grauſam Mann/

Wie hat er ein ſo groſſen Bauch/
Ein groſſen Kopff vnd iſt ſehr rauch.

DIe Kinder friß ich all mit macht/
Die ſtettigs greinen bey der Nacht/
Auch ſonſt vil zannen und ſtets ſchreyen/
Und die Vich Vo mit einander zweyen/
Einander nur thun rauffen/ſchlagen
Und ſtettigs abeinander klagen/
Die frech ſeyn/muthwillig und böß/
Die seynd nur all ein gut gefreß/
Was ſich auch nit will ſtraffen laſſen/
Und * lauffen auff der Gaſſen/
Die auch die Ruth nit ziehen kan/
Die greiff ich all zu freſſen an.

Ich hab der Kind ſchon vil gefreſſen/
Die kein Speiß mit lieb wöllen eſſen/
Drumb hab ich ein ſo groſſen Schlund/
Ein groſſen Bauch der iſt mir gſund/
Ich kan drein ſchieben noch vil mehr/
Die böſe Kind gebt alle her/
Ich ſih dort noch ein böß Mägdelein/
Das will ich bald erdappen fein/
Und freſſen roch/ohn alls gnad/
Es wird mir freylich nit ſeyn ſchad/
Welchs Kind nit will gefreſſen ſeyn/
Das ſey ſtill/fromb vnd volge ſein.

Zu Augſpurg, bey Abraham Bach Brieffmaler/auffm Creutz.